جيلى
المقادير:
- 2 كوب عصير
- 2 ملعقة كبيرة جيلاتين بودرة.
- 1 ملعقة كبيرة سكر.
الطريقه:
سخنى العصير على النار وعشان تاخدى شكل وقوام الجيلى الجاهز استخدمى العصاير الصناعيه اما لو بتدورى ع القيمه الغزائيه مش الشكل استخدمى اى عصير طبيعى مصفى
بعد مايسجن العصير ضيفى الجيلاتين المذاب فى نص كوباية مايه وقلبى وبعد كده قدميه فى الكاسات
موس الشوكولاته
المقادير:
ربع كوب حليب
ملعقه صغيره كاكاو غامق
١٠٠ جرام شوكولاته مبشوره
٢٠٠ جرام كريم شانتيه مخفوق جاهز
الطريقه:
سخنى الحليب وضيفيه للشوكولاته وقلبى لحد ماتسيييح وبعد كده ضيفى الكريم شانتيه وقلبى براحه عشان ماتخرجيش الهوا وبعدين قدميه فى الكاسات
الباناكوتا(مهلبيه بس فى ايطاليا بيعملوها بالجيلاتين)
المقادير
كوب حليب
كوب كريمة حلويات
تلات ملاعق سكر
ملعقتين كبار جيلاتين بودره
نص كوب ماء
للتقديم اى صوص نفضله
الطريقه:
حطى الحليب والكريمه والسكر والڤانيليا على النار ولما يسخنو ضيفى الجيلاتين بعد ماتدوبيه فى نص كوباية المايه وقلبى كويس واطفى النار على طول عشان مايفصلش وبعد كده قدمى بالشكل اللى تحبيه وودى ع التلاجه ولما يتماسك ويبرد قدميه مع الصوص اللى بتحبيه . الصوص التقليدى هو الفراوله لكن ممكن نلعب فى الطعم زى مانحب وممكن كمان نقدمها فى كاسات بالتناوب مع الجيلى
وفية كمان البنكوتة جميلة وسهلة جدا وهي عبارة عن
نص لتر لبن
نص لتر كريمة لباني
150جرام سكر
20 جرام جيلاتين
نضعهم جميع على النار لحين الغليان وبعدين نصبها في الكاسات وتدخل الثلاجة تبرد
كاسات التيراميسو
بسكويت أصابع - علبتان
حليب سائل - نصف كوب
كريمة خفق - علبة
سكر - كوب
كوب نسكافيه
فانيليا - نصف ملعقة صغيرة
جبن كريم او ماسكربونى - 150 غرام
كاكاو - ملعقة صغيرة
* مقادير الزينة:
كاكاو - 3 ملاعق كبيرة
الطريقه:
بكل بساطه اغمسى البسكوت فى النسكافيه البارد عشان مايتهريش اوى منك وبعد كده اعملى الكريمه بخفق الحليب والكريمه والسكر وبعدين ضيفى الجبنه الكريمى او الماسكربونى وحطيهم بالتناوب فى الكاسات واخر طبقه ممكن ترشى عليها كاكاو بودره اوشيكولاته مبشوره
الأرزباللبن الكريمى
عشان تاخدى رز بابن كريمى ومظبوط الاتنين كيلو حليب بياخدو مج رز مش اكتر
اعملى التريكه دى عشان تسرعى وتسهلى على نفسك التسويه بعد ماتضيفى الأرز للماء المغلى بعشر دقايق كده اقفلى النار وغطى الحله لحدما يبرد هاتلاقى الرز نفش وداب وماخدش منك مجهود
الأرز بلبن بيتعمل بحليب بخيره من عند اللبان ولو عايزه تزودى دسامته وغناه تقدرى تضيفى للحليب باكيت كريم شانتيه او باكيت ايس كريم بودره او جبنه كريمى او باكيت كريم كراميل بس ده هايغير لونه
عشان وشه يكرمش وده الوحيد اللى مهما كرمشلى وشه بحبه غطيه بعد مايبردقبل ماتحطيه التلاجه
عشان اقدمه تقديم مثالى بضيف له قشطه بلدى وبعدين بنزل بعسل ابيض ومكسرات وزبيب وجوزة الهند ورشة قرفه د ه الطعم المثالى بالنسبه لى لكن ده مايمنعش انك ممكن تقدميه بصوصات مختلفه او بآيس كريم او فواكه او ميكس من ده كله
لو الأرز عندك مانشاش كويس تقدرى تضيفى معلقه كبيره من النشا لنصف كوب من الحليب البارد وتنزلى بيهم على المكوات مع التقليب
الكاستارد
المقادير:
كوبايتين حليب
تلا ت معالق سكر
تلاته صفار بيض مع الڤانيليا
معلقتين ونص كبار نشا
ملعقه كبيره زبده
الطريقه:
انسي الفرهده بتاعة زمان وركزى معايا هنا حطى كل المكونات فى الخلاط ماعدا الزبده واضربيهم كويس واوعى تجودى وتحطى خل للبيض عشان الزفاره هنا عشان هناخد الخليط الحلو ده ع النار والخل هايخلى الحليب يقطع قلبى بقا لحد مالكلام ده يتماسك ويبقلل كده و بعدين ضيفى الزبده وقلبى للحصول على لمعه وقوام مميز ماحصلش
تحلية الشكولا
طريقة التحضير :
الطبقة الأولى : كمية من بسكوي مفتت نضعه في أسفل الكؤوس و نشربه بالقليل من الحليب او نسكافيه
الطبقة الثانية : اولا نخفق كوب بودرة الشونتي +نصف كوب حليب بارد جدا حتى يتضاعف الحجم نضيف لها 2 حبات جين كيري +علبة قشطة و نخلطها جيدا قم نضيف ملعقة نسكافيه سريعة الذوبان
و نخلط نضع الطبقة الثانية في الكؤوس و الزينة حسب الرغبة
(القشطة نوع من انواع لكريمة واهي تتباع عادي)
الكريم كراميل
المقادير:
للكراميل هانحتاج كوب سكر ابيض ناعم عشان نضمن انه يبقا سايل ومايخرزش
الكريمه نفسها
٢ كوب حليب
٤ بيضات مع فانيليا
نص كوب سكر
ربع كوب حليب بودره وده اساسي وسر من اسرار نجاحه ولو مش عندك ماتزعليش نفسك ضيفى ربع كوب نشا هايديكى نفس النتيجه
الطريقه:
كرملى كوباية السكر فى طاسه من غير اى حاجه خالص وماتقلبيش لفى وحركى الطاسه بس وحطيها فى القوالب
ونروح نعمل الكريمه اضربى البيض فى الخلاط يادوب بسيط اوى وده عشان مايعملش رغوه تديكى فراغات وتخريزه لمايستوى وبعدين ضيفى باقى الحاجات ولفه سريعه اوى فى الخلاط وانزلى بقا على الكراميل بالسائل ده وحطى القوالب فى صينيه فيها مايه مغليه يادوب توصل ربع القالب وع الفرن لحد مايتماسك وبعد كده لمايبرد اقلبيه وقدميه وكلى احلى كريم كراميل باقل تكلفه وبطريقه صحيه
